مرحباااااااااااااااااااااااا
ومعكم اليوم بتدوينة جديدة
عن كم شغله كانت من المفضلات بالسته اشهر الاخيرة
اولاً
كما جرت العاده ننبه على انه ممكن انا يناسبني شي ما يناسبك فلا تحكمين
لما تجربين او تسألين دكتورتك
ونبداء بسم الله
بتكلم عن ماسكين طلبتهم لي الصديقة الجارة اللطيفة نسيم
وبصراحة فعلا ما قد طلبت منها شي الا فادني
لانها شخص مبارك ياخي وتنشر السعاده صدقاً
ولانها من الناس الي تقرا وتبحث عن مكونات المنتجات
الي تستخدمها بمتجرها
من اليمين ماسك للوجه باللبن والشوفان والعسل
هذا القناع بالزبادي يشد البشرة - مرطب - يخفف احمرار البشرة مكوناته طبيعية طازجة مخلوطة من الزباديوالطين البنتونيت<<والله مدري وشهو بس شكله رهيب >>، العسل البري والشوفان التي تعتبر بلسم ويطهر بعمق المسام، ويخفف وضوحها لمدة مؤقته بصراحة اسوي تنظيف لبشرتي بغسولي ثم احطه احساسه جمممميل يعطي انتعاش وبااااارد وبعد ما اشيله احس بنظاره احيانا احطه قبل الميكب ثم اغسله واحط الميكب بصراحه يفرق معي يعطيني شعور بشرة صحية ولططيفه وناعمه
نجي للماسك الثاني الاخضر الي باليسار بالاوفوكادو للأمانةهذا الماسك للبشرة الجافه بس الي استفدة منه انه يعطي نعومة ورطوبة بس عندي الماسك الاول افضل هذا الماسك بالموقع كتبوا انو يهدي البشرة الجافة وفيه مضادات للأكسدة وفيه مكونات الانتوين >>برضو مدري وشهو والله وكمان فيه مكونات من الشاهي الأخضر تساعد على تجديد البشرة بعد يوم طويل بالدوام او سهره انصح فيه للي بشراتهم جافه اتوقع بيشكل فرق معهم طبعا الاثنين ناسية اسعارهم :)
من اليمين مقشر خلايا الأرجان الجذعية + عامل النمو كلوريلا هذا الشي بيوم من الأيام الملونة السعيدة كنت ادور باي هيرب شي يجفف الحبوب ويجدد البشرة فطلع لي هذا الشي جربته مرتين بالاسبوع الحبوب ماراحت للاسف بس ينظظظظظظظظظف من قلب ويخفف الرؤس السودا بالأنف ويصير بالعربي الخشم يلمع بطل بطل بالتنظيف بس بالحبوب ما خفت للاسف وسعره جميل يمكن 32 ريال
القناع الي باليسار خلايا سيقان نبات الأرغان + طحلب الماء العذب هذا اسمه باي هيرب والله لو اني قارية طحلب الماء ماشريته ههههههههه بس اني شفته يجدد الخلايا وخذيته بصرحه استمريت فتره بس ما شفت اي تغيير ابد ابد ما انصحه فيه لانه مافادني:(
من اليمين مرطب فيتامين E مفيد لمحيط العين والشفايف يجدد ويرطب ويخفف مشاكلها الناتجه عن الجفاف ويسار مقشر القهوة والسكر البني من ايلف اغلب وتقريبا كل اليوتيوبرز والبلوقر تكلمو عنه وعن مفعلوه الي بضيفه انو مع الترطيب والتقشير الي يسويه لاحظت مع الاستمرار انه يخلي الشفايف موردة بشكل جميل جدا ويزيل السواد الي يكون بسبب الجفاف حول الشفايف استخدم مقشر ايلف وبعده مرطب فتامين Eقبل النوم ولما اصحى فرق معي مع الاستمرار وكثر شرب المويه اسعارها جميلة جدا بس ما اذكرها والله وبكذا خلصنا تدوينتنا اليوم حب كبير لكل الي القراء وحب كبير لكل الي علق حتى لو بينه وبين نفسه ههههههههههه وشكرا :)
0 comments:
Post a Comment