مرحبا ❤️👀
بس بالنسبة لي بالفترة الاخيرة صار من اولوياتي
الي هو ((القراءة))
من عمر صغير كان عندي هالحب للكتب وللتطوير
لكن كان بشكل عشوائي وغير مخطط له
لو نزلت المكتبه اشتريت كتاب اقرأ نص واحيانا ما اتعدى صفحة العنوان
بس لما صرت أدون
والفترة الي بديت اتعلم التخطيط صرت احس انها من ضروريات اليوم زي ما اغذي جسمي
عقلي يحتاج كمان يتعلم كل يوم شي جديد.
بعد الجامعة بالذات بدون وظيفة بزحمة الحياة والادوار الاجتماعية من بنت لزوجة لأم
ننسى اخر مرة كتبنا وخطنا يتغير ونكتشف هالشي
لما نكتب مقاضي المطبخ او حتى لما نكتب عذر غياب لأحد أطفالنا .
القراءة تدخل بنفس الدوامة فترات طويلة كل الي نقرأ محادثات الواتس اب او حتى صور للسناب عليها تعليق لاتسمن ولاتغني من جوع
صفحة وحدة باليوم كفيلة انها تثري لغتك وافكارك وتخليك تواكب العصر أحياناً نجلس مع ناس بنفس عمرنا ونحس انهم من عهد قديم او من قرن اخر هذا
مثلاً لو احد تكلم معي اليوم عن المكينة وان فيها زئبق غالي 😳 راح احس انها بعصر ثاني
بس لما تجيني وحدة تسولف عن مواقع الانتر نت او طلبيات الاون لاين بتفاعل معها
هالشي ينطبق على الناس اللي تقرأ و الناس الي تهجر الكتب
الشخص الي يقراء يتطور يصنع له افكار من افكار الكُتاب الي يقرا لهم ويتطور ما يوقف .
كيف أقدر احب القراءة ؟
هالسؤال يتكرر دايم اللي للحين ماتحب تقرأ معناته انها للحين مالقت الكتاب المناسب تحتاج تبحث اكثر او بكل بساطة
والحل الاكثر فعالية الكتب المسموعه
برضو ماتناسبها الحين كل شي متوفر لزيادة وتطوير الفكر يوتيوب وسناب وانستقرام كلها كتب اللكترونية
انتِ تختارين وش ممكن تاخذين منها من الهياط والاستعراض وفرض الذات المالية الى التطوير والتعلم والايف ستايل والرياضة والاكل الصحي والتربية وغيرها
((بكل اختصار القراءة تجارب كثيرة وخبرات تعيشينها بسطور ممكن تتفادين اخطاء وممكن تصنعين انجازات كلها
بسطور ))
0 comments:
Post a Comment