مابعد الجامعة
في وقت سابق من عمري مررت بمرحلة مابعد الجامعة
فقرت العطاله لمدة ترم تقريبا كان الفراغ مهلك خلصت كل المسلسلات من جميع الجنسيات تقريبا
حاولت اتعلم الرسم دخلت نادي زرت صديقاتي خلصت الفتره ذيك بدون اي انجاز يذكر
لذالك عزيزي الخريج انا جاي من المستقبل اعلمك وش اهم شغلات لازم تبدا فيهم اليوم عشان ما تجينا بعد سنه تقول والله عاطل او عاطله مالقيت
انت في سوق شرررس جداً خليك من سوق الموارد البشريه السوق الالكترونيه قاعده تنتشر زي النار في الهشيم
لغتك لغتك لغتك مجرد تتخرج حاول ما تتعدى السنه الا انتى بلبل بالانقلش مو ضروري بشهادات بس برضو ممارسه
لاتقولي ماعرف وين اروح قوقل ممممممممليان :ابرزها كامبرج وكامبلي
بعدها يا اصدقاء لحد يقولك كورس معتمد اوكي مافيه ولا اي شي معتمد اشتغل على احتياج السوق محدثتكم تخصص خدمه اجتماعيه وماجستير تسويق رقمي هذا طلب السوق الناس صارت تبي استشارات بدون لا احد يعرفها او يدري هما مين فوظيفة الخدمه الاجتماعيه الكترونياً هذي فكره جباره راح تثبت نفسها بنفسها
طيب بالترتيب وبدون قروشه اعطيك اياها :
١-اخلص النيه اولاً
٢-لغتك
٣-حاول تكون عندك خلفيه بالتصميم والجرافيك لو بسيطه عشان تقدر تبرز نفسك
٤-استمر استمر استمر ..بالتعلم بالتطور وبالقراءه وبحبك لنفسك لاتوقف مجرد توقف محد بينتظرك الدنيا كلها بتطور وانت بتظل مكانك
٥-خذ بريك بس مو توقف للابد
٦-اشرب مويه كككككثييييير وحاول تدخل الرياضه بروتينك 👍🏻
٧-ابدا براتب ضعيف بس اكتسب الخبره وبعدها تشرط بالراتب
٨-الشغف حلو جدا جدا بس موب كل مره بيأكل عيش
٩-بعد ما تاخذ خبره اقل شي سنه تقدر تشتغل بشغفك وتبحث عنه براحتك
واتمنى لك عزيزي الخريج التوفيق والسداد والراتب الزين👌🦋🌞وتيم عمل متعاون ورايق
0 comments:
Post a Comment